అల్లు అర్జున్‌ చిత్రం పేరు జాదుగర్‌..?? అల్లు అర్జున్‌ చిత్రం పేరు జాదుగర్‌..??

అల్లు అర్జున్‌ కథానాయకుడిగా త్రివిక్రమ్‌ దర్శకత్వంలో ఓ చిత్రం రూపొందుతున్న విషయం తెలిసిందే. దాదాపు షూటింగ్‌ పూర్తి కావొచ్చిన ఈ సినిమాకు సంబంధించి ఇంకా టైటిల్‌ ఖరారు కాలేదు. అయితే ఈ సినిమాకు 'జాదుగర్‌' అనే టైటిల్‌ను సినిమా యూనిట్‌ పరిశీలిస్తున్నట్లు సమాచారం. సినిమాలో అల్లు అర్జున్‌ క్యారెక్టర్‌కు ఈ టైటిల్‌ సరిగ్గా పరిపోతుందని భావిస్తున్న దర్శకుడు దాదాపు 'జాదుగర్‌'ను ఫైనలైజ్‌ చేసినట్లు తెలిసింది. హారిక అండ్‌ హాసిని క్రియేషన్స్‌ పతాకంపై రాధాకృష్ణ నిర్మిస్తున్న ఈ సినిమాలో రాశీఖన్నా, సమంతా, ఆదాశర్మలు హీరోయిన్లుగా నటిస్తున్నారు. ఇందులో అల్లు అర్జున్‌ వెడ్డింగ్‌ ప్లానర్‌గా కనిపించనున్నాడు. 'జులాయి' తర్వాత అల్లు అర్జున్‌, త్రివిక్రమ్‌ల కాంబినేషన్‌లో వస్తున్న ఈ సినిమాపై ప్రేక్షకుల్లో భారీ అంచనాలున్నాయి.