జూన్‌ 26న అనుష్క, గుణశేఖర్‌ల ‘రుద్రమదేవి’.!

అనుష్క ప్రధాన పాత్రలో టైటిల్‌ రోల్‌లో గుణా టీమ్‌ వర్క్స్‌ పతాకంపై శ్రీమతి రాగిణీి గుణ సమర్పణలో డైనమిక్‌ డైరెక్టర్‌ దర్శక నిర్మాతగా రూపొందుతున్న భారతదేశపు తొలి హిస్టారికల్‌ స్టీరియోస్కోపిక్‌ 3డి ద్విభాషా చిత్రం ‘రుద్రమదేవి’. ఈ సినిమా రిలీజ్‌కి సంబంధించి ఎన్నో డేట్స్‌ అనుకున్నప్పటికీ ఫైనల్‌గా జూన్‌ 26న ఈ చిత్రం ప్రపంచ వ్యాప్తంగా విడుదల కాబోతోంది. తెలుగు, తమిళ్‌లో ద్విభాషా చిత్రంగా రూపొందిన ఈ చిత్రం రెండు భాషల్లోనూ అదే రోజు విడుదలవుతోంది. ఇదిలా వుంటే ఈ చిత్రాన్ని మలయాళంలో కూడా జూన్‌ 26నే విడుదల చేస్తున్నారు. ప్రస్తుతం ఈ చిత్రానికి సంబంధించిన ఫైనల్‌ మిక్సింగ్‌ జరుగుతోంది. ఈ చిత్రానికి సంబంధించి ఇటీవల రీ`రికార్డింగ్‌ కార్యక్రమాలు పూర్తయ్యాయి. ఇళయరాజా నేతృత్వంలో సింఫనీ ఆర్కెస్ట్రాతో 25 రోజులపాటు లండన్‌లో ఈ రీ`రికార్డింగ్‌ కార్యక్రమాలు జరిగాయి. లండన్‌లో రీ`రికార్డింగ్‌ జరుపుకున్న తొలి తెలుగు చిత్రం ‘రుద్రమదేవి’ కావడం విశేషం. ప్రస్తుతం అనుష్క దృష్టంతా విడుదలకు సిద్ధమైన రుద్రమదేవి, బాహుబలి చిత్రాలపైనే వుంది. ఈనెల రుద్రమదేవి, వచ్చే నెల బాహుబలి విడుదల అవుతుండడంతో ఈ రెండు చిత్రాల ఫలితాలపై అనుష్క చాలా కాన్ఫిడెంట్‌గా వుందట. రుద్రమదేవిలో ప్రధాన పాత్ర పోషించిన అనుష్క, బాహుబలిలో ప్రభాస్‌ సరసన నటించింది. ఒకవిధంగా చెప్పాలంటే బాహుబలి కంటే అనుష్కకు రుద్రమదేవి చిత్రమే ఎక్కువ ఇంపార్టెంట్‌. ఈ రెండు సినిమాలతో తన కెరీర్‌ కొత్త టర్న్‌ తీసుకుంటుందని అనుష్క గట్టిగా నమ్ముతోంది.