'అఖిల్‌' టీజర్‌కి అదే హైలైట్‌ అంటున్న నితిన్‌.! 'అఖిల్‌' టీజర్‌కి అదే హైలైట్‌ అంటున్న నితిన్‌.!

ఈరోజు నాగార్జున పుట్టినరోజు సందర్భంగా అఖిల్‌ అక్కినేని ఫస్ట్‌ మూవీ 'అఖిల్‌' ఫస్ట్‌ లుక్‌ టీజర్‌ను రిలీజ్‌ చేసిన విషయం తెలిసిందే. అయితే ఈ టీజర్‌ని బాలీవుడ్‌ స్టార్‌ సల్మాన్‌ఖాన్‌ రిలీజ్‌ చేయడం విశేషంగా మారింది. ఈ టీజర్‌ని రిలీజ్‌కి ముందే చూసిన సల్మాన్‌ ఖాన్‌ ఎంతో ఇంప్రెస్‌ అయి ట్విట్టర్‌ ద్వారా ఈ టీజర్‌ని రిలీజ్‌ చేశాడట. ఒక తెలుగు సినిమా టీజర్‌ను బాలీవుడ్‌ హీరో రిలీజ్‌ చెయ్యడం ఈ టీజర్‌కే హైలైట్‌ అయిందని నిర్మాత నితిన్‌ చాలా హ్యాపీగా చెప్తున్నాడు. టీజర్‌కి ట్రెమండస్‌ రెస్పాన్స్‌ వస్తోందని, ఇప్పుడు సల్మాన్‌ ఖాన్‌ ద్వారా రిలీజ్‌ అయిందని తెలిసిన తర్వాత ఆ రెస్పాన్స్‌ రెట్టింపయిందని చెప్తున్నాడు.
'అఖిల్‌' ఆడియోను అక్కినేని నాగేశ్వరరావు జయంతి సందర్భంగా సెప్టెంబర్‌ 20న గచ్చిబౌలి స్టేడియంలో గ్రాండ్‌గా రిలీజ్‌ చెయ్యబోతున్నామని, అక్టోబర్‌ 22న విజయదశమి కానుకగా చిత్రాన్ని రిలీజ్‌ చెయ్యడానికి ప్లాన్‌ చేశామని నితిన్‌ చెప్పాడు.