ఆనంద్ నందా, రేష్మి, శివకృష్ణ ప్రధాన పాత్రల్లో వి.సినీ స్టూడియో నిర్మాణంలో డి.దివాకర్ దర్శకత్వం వహిస్తోన్న చిత్రం 'రాణి గారి బంగళా'. ఈ సినిమా ఆడియో విడుదల కార్యక్రమం శనివారం హైదరాబాద్ లోని తాజ్ కృష్ణలో జరిగింది. ఎస్.వి.కృష్ణారెడ్డి బిగ్ సీడీను రిలీజ్ చేయగా.. అచ్చిరెడ్డి ఆడియో సీడీలను ఆవిష్కరించి మొదటి సీడీను ఎస్.వి.కృష్ణారెడ్డికు అందించారు. ఈ సందర్భంగా..
ఎస్.వి.కృష్ణారెడ్డి మాట్లాడుతూ.. ''మంచి హారర్ సబ్జెక్టు తీసుకొని సినిమా చేశారు. దివాకర్ గారు బాగా హ్యాండిల్ చేసినట్లు తెలుస్తోంది. ఈ సినిమా పెద్ద విజయాన్ని సాధించి అందరికి మంచి పేరు తీసుకురావాలని కోరుకుంటున్నా'' అని అన్నారు.
''సినిమా టైటిల్ వింటుంటే హిట్ సౌండ్ వినిపిస్తుంది. దివాకర్ మంచి టేస్ట్ ఉన్న డైరెక్టర్. ఈశ్వర్ మంచి మ్యూజిక్ ఇచ్చారు. ఆనంద్ ఈ సినిమాతో పెద్ద కమర్షియల్ హీరో కావాలని'' అచ్చి రెడ్డి అన్నారు.
''ఈ సినిమా కోసం చాలా టైటిల్స్ అనుకున్నాం కాని 'రాణి గారి బంగాళా'ను ఫైనల్ చేశాం. ఈ టైటిల్ తో సినిమాకు యాప్ట్ అవుతుందని భావించాం. సింగిల్ షెడ్యూల్ లో సినిమాను పూర్తి చేశాం. ఈశ్వర్ అందించిన బాణీలు, ప్రభాకర్ గారి ఫోటోగ్రఫీ సినిమాకు హైలైట్ గా నిలుస్తాయి. ఆనంద్, రేష్మిలకు ఈ సినిమాతో మంచి పేరొస్తుంది. శివకృష్ణ గారు నటించిన కాటికాపరి పాత్ర సినిమాలో చాలా కీలకమైందని'' దర్శకుడు దివాకర్ చెప్పారు.
''మంచి మ్యూజిక్ కుదిరింది. సినిమాలో నాకు అవకాశం ఇచ్చిన దివాకర్ గారికి థాంక్స్'' అని హీరో ఆనంద్ అన్నారు.
సంగీత దర్శకుడు ఈశ్వర్, నటి పూర్ణిమ తమకు సినిమాలో అవకాశం ఇచ్చిన వారికి కృతజ్ఞతలు తెలిపారు.
ఇంకా ఈ కార్యక్రమంలో ఆర్.పి.పట్నాయక్, శ్రీనివాసరావు, అలీ,తరుణ్, సంపూర్నేష్ బాబు, సత్య ప్రకాష్ తదితరులు పాల్గొని చిత్రబృందానికి అభినందనలు తెలిపారు.
ఈ చిత్రానికి కెమెరా: ప్రభాకర్ రెడ్డి, ఎడిటర్: అనిల్ మలనాడు, స్టొరీ: వి.లీనా, సమర్పణ: బాలాజీ నాగలింగం, కో ప్రొడ్యూసర్: శ్రీనివాసరావు, నిర్మాతలు: వి.సినీ స్టూడియో, స్క్రీన్ ప్లే-దర్శకత్వం: డి.దివాకర్.
Loading..