నారా రోహిత్ సినిమా బాలీవుడ్ లో..? నారా రోహిత్ సినిమా బాలీవుడ్ లో..?

నారా రోహిత్ హీరోగా శ్రీలీలా మూవీస్ పతాకంపై కె.ఎస్.రామారావు సమర్పిస్తున్న సినిమా 'శంకర'. తమిళ్ లో సూపర్ హిట్ అయిన 'మౌన గురు' అనే సినిమాకు రిమేక్ ఇది. తెలుగులో ఈ సినిమా త్వరలో రిలీజ్ కానుంది. అయితే ఈ సినిమా స్క్రిప్ట్ ను బాలీవుడ్ లో తెరకెక్కించడానికి ప్రముఖ దర్శకుడు ఎ.ఆర్.మురుగదాస్ సిద్దమవడం విశేషం. దక్షినాది చిత్రాలను బాలీవుడ్ లో రిమేక్ చేయడం లో దర్శకుడు మురుగదాస్ సిద్ధహస్తుడు. మురుగుదాసే బాలీవుడ్ లో ఈ చిత్రాన్ని రూపొందించేందుకు రెడీ అవడంతో నారా రోహిత్ 'శంకర' ఇప్పుడు హాట్ టాపిక్ గా మారింది. కాలేజ్ యూత్ లో జరిగే గొడవలు, క్రైమ్ ఆధారంగా తమిళంలో దర్శకుడు శాంతకుమార్ ఈ చిత్రాన్ని తెరకెక్కించారు. అక్కడ మంచి హిట్ టాక్ సంపాదించుకున్న ఈ సినిమాను తెరకెక్కించడంలో మురుగదాస్ ఎంత వరకు సక్సెస్ అవుతాడో వేచిచూడాలి..!