'ఒబెసిటి' వ్యాధితో బాధపడే పాత్రలో స్టార్ హీరోయిన్..! 'ఒబెసిటి' వ్యాధితో బాధపడే పాత్రలో స్టార్ హీరోయిన్..!

ఇటీవల అనుష్క ప్రధాన పాత్రలో ప్రముఖ దర్శకుడు రాఘవేంద్రరావు కొడుకు ప్రకాష్ కోవెలమూడి దర్శకత్వంలో పి.వి.పి సంస్థ నిర్మించనున్న 'సైజ్ జీరో' సినిమా ప్రారంభం అయిన విషయం తెలిసిందే. అయితే ఈ సినిమాలో అనుష్క 'ఒబెసిటి' వ్యాదితో బాధ పడే ఓ అమ్మాయిగా కనిపించనుందని సమాచారం. ఈ సినిమా కోసం దర్శకుడు అనుష్కను బరువు పెరగమని చెప్పారట. అయితే 'బాహుబలి' కోసం ఇప్పటికే తన శరీర బరువు పెంచుకున్న అనుష్కకు మళ్ళీ బరువు పెరగమని చెప్పడంతో ఆలోచనలో పడిందట. ప్రేమ అంటే ఆకర్షణ మాత్రమే అనుకుంటున్న ప్రస్తుతం యువతకు ఈ చిత్రం మంచి సందేశాత్మకంగా ఉండనుందని సమాచారం. ఈ సినిమాలో అనుష్క సరసన కోలీవుడ్ స్టార్ హీరో ఆర్య నటిస్తున్నా సినిమా అంతా అనుష్క చుట్టూనే తిరుగుతూ ఉంటుంది. లేడీ ఓరియెంటెడ్ సినిమాలతో తన లిస్టులో హిట్స్ ను చేర్చుకుంటున్న అనుష్కకు ఈ సినిమా మరో హిట్ అవనుందో లేదో వేచిచూడాల్సిందే.