ఇక క్యారెక్టర్‌ రోల్సే గతి....!

సినిమాల్లోనూ, రాజకీయాల్లోనూ ఎప్పుడు ఏదో ఒక వివాదంలో తలదూర్చే సినీజంట హీరో రాజశేఖర్‌.. అతని సతీమణి జీవితా రాజశేఖర్‌.కాగా ఈమద్యకాలంలో రాజశేఖర్‌ నటించిన ఏ చిత్రం కూడా పట్టుమని పదిరోజులు కూడా ఆడలేదు. దీంతో ఆయనకు జగపతిబాబులాగా మంచి క్యారెక్టర్‌ రోల్స్‌ వస్తున్నాయి. అయినా సరే  హీరోగా ఓ పెద్ద హిట్‌ కొట్టిన తర్వాత మాత్రమే తాను అలాంటి క్యారెక్టర్‌ ఆర్టిస్టు పాత్రలు చేస్తానని మీడియా ముఖంగానే రాజశేఖర్‌ తెలిపాడు. అందుకోసం తమిళ సినిమా ‘సూదుకవ్వం’ చిత్రాన్ని తెలుగులో ‘గడ్డంగ్యాంగ్‌’ పేరుతో రీమేక్‌ చేశాడు. రాజశేఖర్‌ గత చిత్రాలే నయం అనిపించేలా ఈ చిత్రం ఆడింది. అంతకు ముందు ఆయన చేసిన చిత్రాలకు కనీసం పబ్లిసిటీ ఖర్చులైనా వచ్చేవి. కానీ ‘గడ్డంగ్యాంగ్‌’కు  పబ్లిసిటీ ఖర్చులు కూడా రాలేదు. ఒక్క రూపాయి కూడా రికవరీ కాలేదని, దాదాపు 5కోట్లను ఈ సినిమా ద్వారా ఆయన పోగొట్టుకున్నట్లు సమాచారం. దీంతో ఇక ఆర్ధిక ఇబ్బందుల్లో ఉన్న ఈ సినీ జంట ఇకపై క్యారెక్టర్‌ పాత్రలు కూడా చేయాలని నిర్ణయించుకున్నారని సమాచారం. ఇకపై క్యారెక్టర్‌ ఆర్టిస్టుగా, విలన్‌గా కూడా నటించేందుకు రాజశేఖర్‌ సిద్దపడుతుండగా, జీవిత కూడా హీరోలకు తల్లిపాత్రలు, ఇతర క్యారెక్టర్‌ రోల్స్‌ చేయడానికి ఓకే చెబుతున్నట్లు సమాచారం. మొత్తానికి ఈ జంట ప్రస్తుతం తీవ్ర ఆర్దిక ఇబ్బందుల్లో ఉందని తెలుస్తోంది.