తండ్రి బాటలోనే కొడుకు..! తండ్రి బాటలోనే కొడుకు..!

నాగశౌర్య హీరోగా సత్య ఎంటర్‌టైన్‌మెంట్స్‌ పతాకంపై ‘చింతకాయల రవి' ఫేమ్‌ యోగేశ్‌ దర్శకత్వంలో వి.వి.యన్‌. ప్రసాద్‌ నిర్మిస్తున్న చిత్రం ‘జాదూగాడు'. ఈ చిత్రంలో హీరోయిన్ గా ‘హర హర మహాదేవ' సీరియల్ లో పార్వతి పాత్ర ద్వారా దేశమంతటా మంచి పేరు సంపాదించుకున్న సోనారిక తెలుగు తెరకు పరిచయమవుతుంది. అయితే తెలుగు ఇండస్ట్రీలో ఎన్నో అధ్బుతమైన పాటలను అందించి ఓ బ్రాండ్ క్రియేట్ చేసుకున్నాడు మణిశర్మ. ఇప్పుడు ఆయన తన కుమారుడు మహతిని ఈ సినిమా ద్వారా తెలుగు ప్రేక్షకులకు పరిచయం చేయనున్నాడు. మణిశర్మ తరహాలోనే ఆయన కుమారుడు సంగీత దర్శకునిగా పనిచేయడానికి రెడీ అయ్యాడు. ఈ సినిమాలో మహతి 5 పాటలను కంపోజ్ చేయడంతో పాటు ఓ ప్రమోషనల్ సాంగ్ కూడా చేసాడు. మరి మ్యూజిక్ డైరెక్టర్ గా మహతి ఎంత వరకు రీచ్ అవుతాడో చూడాలి..!