పెదరాయుడి వారసుడు ఎవరో తెలుసా?

దర్శకుడు దశరథ్‌ డైరెక్షన్‌లో మంచు మనోజ్‌ హీరోగా 'శౌర్య' అనే చిత్రం రూపొందుతున్న సంగతి తెలిసిందే. ఈ చిత్రం ఫస్ట్‌లుక్‌ బాగా ఉండటంతో మనోజ్‌ ఆనందానికి అవధులు లేవు. దీంతో ఆయన తన తదుపరి చిత్రానికి రెడీ అవుతున్నాడు. ఈ చిత్రం టైటిల్‌ 'సన్నాఫ్‌ పెదరాయుడు' అన్న సంగతి తెలిసిందే. రమేష్‌పుప్పాల ఈ చిత్రాన్ని నిర్మిస్తున్నాడు. ఈ చిత్రం పూర్తిస్థాయి ఎంటర్‌టైనర్‌గా నడుస్తుందని సమాచారం. ఈ ప్రాజెక్ట్‌ గురించి గత రెండు సంవత్సరాలుగా టాపిక్‌ నడుస్తోంది. ఇన్నాళ్లకు ఇది ఫైనల్‌ అయింది. మోహన్‌బాబు కెరీర్‌లోనే కలికితురాయి వంటి సినిమా 'పెదరాయుడు'. ఈ చిత్రం బాక్సాఫీస్‌ వద్ద సంచలన విజయం సాధించింది. అంతేకాదు... డైలాగ్‌కింగ్‌ మోహన్‌బాబును ఓ రేంజిలో చూపించారు ఈ చిత్రంలో. ఈ సినిమాకి సీక్వెల్‌ 'సన్నాఫ్‌ పెదరాయుడు'కి కొత్త దర్శకుడు సాగర్‌ పసల దర్శకత్వం వహిస్తారని, ఈ చిత్రం షూటింగ్‌ అమెరికాలో ఎక్కువ భాగం జరుగనుంది సమాచారం. 'పెదరాయుడు' సాధించిన విజయంలో దాని దర్శకుడు రవిరాజా పినిశెట్టి పాత్ర చాలా కీలకం. మరి ఈ కొత్త దర్శకుడు తాజా చిత్రాన్ని ఎలా తెరకెక్కిస్తాడు? అనేది ఆసక్తికర అంశం. మొత్తానికి మంచు మనోజ్‌ తనకు 'శౌర్య', 'సన్నాఫ్‌ పెదరాయుడు'లలో ఒక్క చిత్రమైనా హిట్‌ కావాలని ఎంతో ఆశతో ఉన్నాడు. మరి సరైన హిట్టేలేని ఈ మంచు వారి అబ్బాయికి ఈ చిత్రాలైనా ఓ సూపర్ డూపర్ హిట్‌ను అందిస్తాయో లేదో వేచిచూడాల్సివుంది...!