పూరీ మరలా మొదలెట్టాడు..! పూరీ మరలా మొదలెట్టాడు..!

'లోఫర్‌' చిత్రం తర్వాత కొత్త హీరో అయిన ఇషాన్‌ను పరిచయం చేస్తూ కన్నడ, తెలుగు భాషల్లో పూరీజగన్నాథ్‌ 'రోగ్‌' చిత్రం ప్రారంభించిన సంగతి తెలిసిందే. కానీ ఈ చిత్రాన్ని కొన్ని రోజులకే ఆపేశాడు పూరీ. స్క్రిప్ట్‌లో మార్పులు చేర్పులు చేయడం, అంతేగాక తన వ్యక్తిగత టీంను బయటకు పంపేయడం, ఇలా పలు కారణాలతో ఈ చిత్రం ఆగిపోయింది. మొదట ఈ చిత్రానికి ఇషాశర్మను హీరోయిన్‌గా ఎంపికచేశాడు. ఆమెతో కొన్నిసీన్స్‌ కూడా చిత్రీకరించాడు. తాజాగా ఆమెను తీసేసి 'భమ్‌ బోలేనాథ్‌' భామ పూజాజవేరిని, సెకండ్‌ హీరోయిన్‌గా మన్నార్‌చోప్రాను తీసుకున్నాడు. కాగా ఈ చిత్రం షూటింగ్‌ ఇప్పటికే బ్యాంకాక్‌లో ప్రారంభమైంది. ఎట్టి పరిస్థితుల్లోనూ ఈ చిత్రాన్ని సమ్మర్‌ కానుకగా కన్నడ, తెలుగు భాషల్లో విడుదల చేయాలని భావిస్తున్నాడు. మరి పూరీ అనుకుంటే ఒక నెలలోనే షూటింగ్‌ పూర్తి చేయగలిగిన సత్తా ఉన్నవాడన్న సంగతి తెలిసిందే. కాగా 'లోఫర్‌' నిరాశపరిచిన సమయంలో ఈ 'రోగ్‌'తో అయిన పెద్ద హిట్‌ను కొట్టాలనే కసితో పూరీ ఉన్నాడు.