విజయ్‌ అదరగొడుతున్నారు..! విజయ్‌ అదరగొడుతున్నారు..!

ఇలయదళపతి విజయ్‌ హీరోగా 'రాజు రాణి' ఫేమ్‌ అట్లీ దర్శకత్వంలో రూపొందుతున్న చిత్రం 'తేరీ'. ఈ చిత్రం థియేటికల్‌ ట్రైలర్‌ విడుదలై అదరగొడుతోంది. ఈ ట్రైలర్‌ ఎంతో స్టైలిష్‌గా ఉందని విజయ్‌ అభిమానులు పండగ చేసుకుంటున్నారు. సమంత హీరోయిన్‌గా నటిస్తోన్న ఈ చిత్రంలో విజయ్‌ పవర్‌ఫుల్‌ పోలీస్‌ ఆఫీసర్‌గా నటించనున్నాడు. ఎస్‌.థాను నిర్మిస్తున్న ఈ చిత్రం ట్రైలర్‌ చూస్తే ఇందులో విజయ్‌ రజనీకాంత్‌లా కొన్ని స్టైలిష్‌గా కనిపించేందుకు ప్రయత్నిస్తున్నట్లు అర్థం అవుతోంది. చూయింగ్‌ గమ్‌ను రజనీ సిగరెట్‌ను నోట్లో వేసుకున్నట్లుగా వేసుకోవడంతో పాటు ఆయన పలు విధాలుగా రజనీని ఇమిటేట్‌ చేసిన సంగతి అర్థం అవుతోంది. మరి ఈ చిత్రం తమిళ ప్రేక్షకులను, విజయ్‌ అభిమానులను ఏమేరకు ఆకట్టుకుంటుందో వేచిచూడాల్సివుంది. కాగా ఈచిత్రంలో సీనియర్‌ నటులైన ప్రభు, రాధికా కీలకపాత్రలు పోషించనున్నారు.