చైతూ నమ్మకాన్ని నిలబెడతాయా! చైతూ నమ్మకాన్ని నిలబెడతాయా!

'ఆటోనగర్‌సూర్య, ఒక లైలా కోసం, దోచెయ్‌' వంటి చిత్రాల ఫ్లాప్‌లతో హీరో నాగచైతన్య కొద్ది గ్యాప్‌ తీసుకున్నాడు. ఇప్పుడు ఆయన రెండు విభిన్న చిత్రాల్లో నటిస్తున్నాడు. ఈ రెండింటిపై చైతూ భారీ ఆశలే పెట్టుకొని ఉన్నాడు. అందులో గౌతమ్‌మీనన్‌ దర్శకత్వంలో రూపొందిన 'సాహసం శ్వాసగా సాగిపో' ఒకటి. ఇప్పటికే విడుదలైన ఈ చిత్ర ఆడియోకు మంచి స్పందనే లభిస్తోంది. ఈ చిత్రాన్ని ఆగష్టు 19న విడుదల చేయడానికి ప్లాన్‌ చేస్తున్నారు. ఇక చైతూ నటిస్తోన్న మరో చిత్రం మలయాళ సూపర్‌హిట్‌ 'ప్రేమమ్‌'కి రీమేక్‌. కాగా ఈ చిత్రం ప్రస్తుతం పోస్ట్‌ప్రొడక్షన్‌ కార్యక్రమాల్లో బిజీగా ఉంది. కాగా ఈ చిత్రాన్ని 'సాహసం శ్వాసగా సాగిపో' చిత్రానికి 20రోజుల గ్యాప్‌లోనే అంటే సెప్టెంబర్‌ 9న విడుదల చేయాలని ప్లాన్‌ చేస్తున్నారు. మొత్తానికి ఈ రెండు చిత్రాలపై అక్కినేని వారసునికి మంచి నమ్మకమే ఉంది. మరి ఈ రెండు చిత్రాలు ప్రేక్షకాదరణ కూడా పొంది చైతూ నమ్మకాన్ని నిలబెడతాయో లేదో వేచిచూడాల్సివుంది.