'బాహుబలి పార్ట్‌ 2' చిత్రం యూనిట్‌ డిసెంబర్‌ 31న భారీ ఫంక్షన్‌ను చేయనుంది. అయితే ఇది న్యూఇయర్‌ సెలబ్రేషన్స్‌ కోసం మాత్రం కాదు. ఈ చిత్రం షూటింగ్‌ ఈనెల 27తో పూర్తి కానుంది.ఇక మిగిలిన కొద్దిపాటి ప్యాచ్‌వర్క్‌ను కూడా ఫినిష్‌ చేసి డిసెంబర్‌31న ఈ చిత్రానికి గుమ్మడికాయ కొట్టనున్నారు. దాంతో ఆరోజును యూనిట్‌ అందరికీ మరపురాని రోజుగా మిగిలిపోవాలని నిర్ణయించారు. ఆరోజు రాత్రికి అంటే డిసెంబర్‌31న రాత్రికి ఈ చిత్ర దర్శక,నిర్మాతలు ఓ స్పెషల్‌ పార్టీ అరేంజ్‌ చేసి, దీనిని కూడా పబ్లిసిటీకి వాడుకోవాలని నిర్ణయించారు.
ఈ వేడుకకు చిత్రంలో పనిచేసిన నటీనటులు, టాప్‌ టెక్నీషియన్స్‌ నుంచి రోజు వారి జీతానికి పనిచేసిన కిందిస్ధాయి సిబ్బంది వరకు అందరినీ ఆహ్వానించనున్నారు. ఈ సందర్భంగా భారీ వేడుకను జరిపి నూతన సంవత్సరంలో ఈ చిత్రం పోస్ట్‌ప్రొడక్షన్‌ వర్క్‌పై దృష్టిపెట్టనున్నారు. మొత్తానికి ఈ చిత్రానికి కష్టపడ్డా చిన్న చిన్న వారిని కూడా ఆహ్వానించి, అందరితో ఈ సంబరాన్ని జరుపుకోవాలని నిర్ణయించిన దర్శక దిగ్గజం రాజమౌళి, నిర్మాతలైన ఆర్కా మీడియా అధినేతలను అభినందించాల్సిందే.
Loading..