లేడీస్‌ ఫస్ట్‌.. అనే దగ్గర నుంచి ఆడవారిని గౌరవిద్దాం.. వారికి కేటాయించిన సీట్లలో వాళ్లనే కూర్చోనిద్దాం.. వంటివి మనం అన్ని చోట్లా చూస్తూనే ఉంటాం.ఒకప్పుడు ఓ చిత్రం విడుదలైదంటే ముందుగా మహిళా ప్రేక్షకులందరికీ టిక్కెట్లు ఇచ్చిన తర్వాత మిగిలితేనే మగవారికి టిక్కెట్లు ఇచ్చేవారు. ఇక మన హీరోలు కూడా ఎక్కువగా లేడీస్‌ ఫాలోయింగ్‌కి ప్రాధాన్యం ఇస్తారు. మగ అభిమానులు ఎలాగైనా తమ చిత్రాలను చూస్తారని, వారిని ఏమన్నా పట్టించుకోకుండా తమను ఆరాధిస్తారని వారికి తెలుసు.
అందుకే ఎంత ఖాళీగా ఉన్నా కూడా జంట్స్‌ ఫ్యాన్స్‌ తమ హీరోలను చూడటానికి వెళ్లి ఫొటోలు, సెల్ఫీలు దిగడానికి ప్రయత్నిస్తే కోపం చూపిస్తారు. అదే లేడీస్‌ ఫ్యాన్స్‌ వస్తే ఎంత బిజీగా ఉన్నా కూడా వారికంటూ సమయం కేటాయించి, నవ్వుతూ ఫొటోలు దిగుతారు. ఇక విషయానికి వస్తే సుకుమార్‌ చిత్రం మొదటి షెడ్యూల్‌ను పూర్తి చేసుకుని, ఈ ఎండల దెబ్బకు రామ్‌ చరణ్‌, తన భార్య ఉపాసనతో కలిసి లండన్‌ వెళ్లాడు.
అక్కడ కూడా మన తెలుగువారు చాలా మందే ఉన్నారు. దాంతో వారు చరణ్‌ని చూసి తమ వీడియోలలో బంధిస్తున్నారు. తాజాగా ఓ అమ్మాయి చరణ్‌తో ఫొటో దిగాలని భావించి, అక్కడి పద్దతుల ప్రకారం మీతో ఫొటో దిగినందుకు ఎంత చార్జ్‌ చేస్తారు? అని చరణ్‌ని అడిగింది. దానికి చరణ్‌ నవ్వుతూ, నీకైతే ఫ్రీ డార్లింగ్ అంటూ ఫొటో దిగాడు. ఇప్పుడు ఈ వీడియో ఇంటర్నెట్‌లో హల్‌చల్‌ చేస్తోంది..!
అల్లు అరవింద్‌పై తీవ్ర విమర్శలు..! 
Loading..