‘బాహుబలి’ సినిమాతో తన సత్తా ఏంటో యావత్ ప్రపంచానికి చాటిచెప్పిన దర్శకధీరుడు రాజమౌళి అలియాస్ జక్కన్న తెరకెక్కిస్తున్న ప్రతిష్టాత్మక చిత్రం ‘RRR’. ఈ సినిమా కూడా బాహుబలిని మించిపోతుందని.. భారీగానే అంచనాలున్నాయ్. అంతేకాదు ఈ చిత్రంలో మెగాపవర్ స్టార్ రామ్‌చరణ్, యంగ్ టైగర్ నటిస్తుండటంతో ఆ అంచనాలు కాస్త డబుల్ అయ్యాయ్. ఈ సినిమాకు సంబంధించి ఇప్పటి వరకూ ఎలాంటి లుక్స్ రానప్పటికీ.. అప్పుడప్పుడు లీక్స్ వస్తుండటంతో వాటిని చూసి సినీ ప్రియులు, చెర్రీ-ఎన్టీఆర్ ఫ్యాన్స్ ఆనందపడుతున్నారు. అయితే ఈ ఏడాదే సినిమా రిలీజ్ ఉంటుందని చెప్పిన జక్కన్న తాజాగా పోస్ట్ పోన్ చేస్తున్నట్లు.. వచ్చే ఏడాది అనగా జనవరి-08, 2021కు అని స్పష్టం చేశారు. దీంతో సినీ ప్రియుల్లో కాసింత అసంతృప్తి నెలకొన్నప్పటికీ తప్పనిసరి పరిస్థితి.
సినిమాలు పాత్రధారుల గురించి తెలిసినప్పటికీ మూవీ ఎలా ఉంటుంది..? అనేది మాత్రం తెలియరాలేదు. అయితే తాజాగా.. ఇదే విషయాన్ని ఓ నెటిజన్ ‘బాహుబలి’ నిర్మాత శోభూ యార్లగడ్డను అడిగారు. వాస్తవానికి రాజమౌళికి శోభూ మంచి స్నేహితుడు. అందుకే ఆ నెటిజన్ ఏమైనా కథ గురించి ఏమైనా అప్డేట్ ఇస్తాడేమోనని అడిగాడు. వారిద్దరి మధ్య ట్విట్టర్ వేదికగా జరిగిన సంభాషణను ఇప్పుడు చూద్దాం.
నెటిజన్: ఆర్ఆర్ఆర్ కథేంటి..? ఎలా ఉండబోతోంది..? మీ మిత్రుడు జక్కన్న మీతో ఏమైనా కథ పంచుకున్నారా..?
శోభూ: ‘నిజంగా కథేంటో నాకు తెలియదు. నేను ఒకే ఒక్కరోజు మాత్రమే షూటింగ్‌కు వెళ్లాను.. ఆ తర్వాత నేనెప్పుడూ సెట్స్‌కు వెళ్లలేదు. అయితే సినిమా మాత్రం పక్కాగా ఇండస్ట్రీ హిట్ సొంతం చేసుకుంటుందనే నమ్మకంగా నేను చెప్పగలను’ అని ట్విట్టర్‌లో శోభూ రాసుకొచ్చారు. అంటే ఈ చిన్నపాటి విషయం అయినా బయటికొచ్చిందిగా.. ఇది కూడా ఓ అప్డేట్ అని అభిమానులు ఆనందపడుతున్నారు. సినిమాకు సంబంధించి ఇద్దరు స్టార్ హీరోలు నటిస్తున్నప్పటికీ ఇంతవరకూ చిన్న లుక్ కూడా లేదు.. ఇక స్టోరీ చెప్పమంటే జక్కన్న అంతా ఆషామాషీగా చెబుతాడా..? థియేటర్‌కు వచ్చినంతవరకూ వేచి చూడక తప్పదు మరి.
క్రికెటర్‌తో అనుష్క పెళ్లి.. నెట్టింట్లో వైరల్!!
Loading..